Мамко, мамко, куп мі книжку,
Тинту, папір і табличку,
Бо я піду до школи
Учитися поволі.
Повідають, що у школі
Діти знають доброй долі,
І я би хотів знати,
Як ся треба справувати,
Діти в школі ся робити
Учать й гарно говорити,
Знають тонко співати,
Кожному честь давати.
Треба мудро, чесно жити,
Там учаться, як на світі
Як ся мі справувати.
Аби всюди честь дістати.
Я б вшистко хотів знати,
І чесно ся справувати,
Куп мі, мамко, книженьку,
Хоч лем таку маленьку.
- Наступний вірш → Олександр Духнович – Що бивало – єсть і нині
- Попередній вірш → Олександр Духнович – Возвоєніє
(Оцінок ще немає)